4 sakavika supracoŭniki palicyi ŭ krymskaj Fieadosii razahnali dziciačy futbolny matč, abviaściŭšy jaho «niesankcyjanavanym terarystyčnym mitynham», piša Gazeta.ru.
vk.com/podslushano_feo
«Siońnia ŭ vioscy Čyrvonakamienka adbyŭsia matč pamiž dvarovymi kamandami, jaki pierapynili dyrektar škoły i ŭčastkovy, patłumačyŭšy heta tym, što my pravodzim niesankcyjanavany terarystyčny mitynh, nie ŭzhodnieny z administracyjaj Fieadosii, zabaraniŭšy nam praciahnuć matč», — paviedamili junyja spartsmieny ŭ miascovaj hrupie «Padsłuchana» u sacyjalnaj sietcy «UKantakcie».
«Raniej z času funkcyjanavańnia škoły nikoli nie było zabarony znachodzicca na terytoryi stadyjona: hulać u futboł i inšyja spartyŭnyja hulni. Paśla taho, jak my praciahnuli hulniu, dyrektar škoły zahadaŭ zabrać futbolnuju bramu», — havorycca ŭ paviedamleńni.
Pavodle paviedamleńniaŭ ŚMI, 6 sakavika na naradzie z kiraŭnikom administracyi Fieadosii kiraŭnik miascovaha adździeła adukacyi Nadzieja Alaksiejenka zajaviła, što zabarona była zroblenaja pa «mierkavańniach biaśpieki». Jana adznačyła, što paśla taho, jak «vialikuju hrupu dziaciej biez papiaredžańnia sabrali na stadyjonie», dyrektar «paprasiła pakazać, dzie miedsiastra i pradstaŭnik palicyi». Čamu paśla pryjezdu palicyi matč byŭ abvieščany mitynham, Alaksiejenka nie patłumačyła.
Kiraŭnik administracyi Fieadosii Stanisłaŭ Krysin daručyŭ pravieści rasśledavańnie incydentu, acharaktaryzavaŭšy dziejańni dyrektara jak «niedapuščalnyja».
