Pieravažna žanočymi ŭ Biełarusi źjaŭlajucca takija vidy dziejnaści, jak achova zdaroŭja i sacyjalnyja pasłuhi, adukacyja, pasłuhi pa časovym pražyvańni i charčavańni, finansavaja i strachavaja dziejnaść. A samaja papularnaja žanočaja prafiesija — nastaŭnik, paviedamili BIEŁTA ŭ Nacyjanalnym statystyčnym kamitecie.
Na pačatak 2016/2017 navučalnaha hoda dola žančyn u ahulnaj kolkaści nastaŭnikaŭ, jak i siarod dyrektaraŭ i ich namieśnikaŭ, składała 86%. Siarod vykładčykaŭ ustanoŭ, jakija zabiaśpiečvajuć atrymańnie siaredniaj śpiecyjalnaj adukacyi, taksama pieravažajuć žančyny — 7,6 tysiač čałaviek (77% ad ahulnaj kolkaści vykładčykaŭ). Va ŭstanovach, jakija zabiaśpiečvajuć atrymańnie vyšejšaj adukacyi, na vykładčyckaj rabocie pracujuć kala 12 tysiač žančyn (55%), siarod ich 278 daktaroŭ navuk, bolš za 4 tysiačy kandydataŭ navuk, 237 prafiesaraŭ i zvyš za 3 tysiačy dacentaŭ.
Uzrovień adukacyi biełaruskich žančyn bolš vysoki, čym mužčyn. Siarod pracujučych žančyn 64% majuć vyšejšuju i siaredniuju śpiecyjalnuju adukacyju, u toj čas jak anałahičny pakazčyk siarod mužčyn nižejšy (44,7%). Na pačatak 2016/2017 navučalnaha hoda kolkaść navučencaŭ žančyn skłała 744,9 tysiač (49,8% ad ahulnaj kolkaści navučencaŭ). Pry hetym va ŭstanovach siaredniaj śpiecyjalnaj i vyšejšaj adukacyi kolkaść žančyn pieravyšaje kolkaść mužčyn.
