Staršynia Parłamienckaj asamblei Arhanizacyi pa biaśpiecy i supracoŭnictvie ŭ Jeŭropie (ABSIE) Kryścin Mutonien płanuje naviedać Biełaruś 15-17 sakavika. Pra heta paviedamiŭ siońnia žurnalistam namieśnik staršyni Pałaty pradstaŭnikoŭ Nacyjanalnaha schodu Balasłaŭ Pirštuk.
U čas hetaha vizitu płanujecca padpisańnie pahadnieńnia pamiž Nacyjanalnym schodam Biełarusi i PA ABSIE ab praviadzieńni 26-j štohadovaj siesii.
Balasłaŭ Pirštuk nahadaŭ, što ŭ Biełarusi stvorany respublikanski arhanizacyjny kamitet pa padrychtoŭcy i praviadzieńni ŭ Minsku 26-j štohadovaj siesii, uznačaliŭ jaho staršynia Pałaty pradstaŭnikoŭ Uładzimir Andrejčanka. Pieršaje pasiadžeńnie arhkamiteta zapłanavana na 1 sakavika, buduć pastaŭleny zadačy i vyznačany etapy padrychtoŭki budučych mierapryjemstvaŭ. Zatym prykładna ź pieryjadyčnaściu raz u miesiac arhkamitet budzie zasiadać u pašyranym składzie.
U cełym płanujecca nasyčanaja prahrama, jakaja ŭklučaje pasiadžeńnie pastajannaha kamiteta PA ABSIE i ahulnych kamitetaŭ PA ABSIE pa palityčnych pytańniach i biaśpiecy; pa ekanamičnych pytańniach, navucy, technałohii i navakolnym asiarodździ; pa demakratyi, pravach čałavieka i humanitarnych pytańniach. Praduhledžvajecca praviadzieńnie plenarnaha pasiadžeńnia, a taksama aficyjnych pryjomaŭ.
Akramia taho, dla zamiežnych haściej padrychtavana kulturnaja prahrama, adnak jana budzie arhanizavana nie na škodu pasiadžeńniam pastajannych kamitetaŭ. Zamiežnym parłamientaryjam prapanavana davoli šmat turystyčnych maršrutaŭ, jakija vychodziać na miežy Minska. Naprykład, heta naviedvańnie muzieja historyi Vialikaj Ajčynnaja vajny, Mira i Niaśviža, ahladnyja ekskursii pa stalicy. «Važna, kab u haściej było cełasnaje ŭražańnie ad znachodžańnia ŭ našaj respublicy», — skazaŭ Balasłaŭ Pirštuk.
Vice-śpikier upeŭnieny, što pieravažnaja bolšaść deputataŭ PA ABSIE ź vialikim intaresam čakajuć sustrečy ŭ Biełarusi. «Dla nas vielmi važna, kab heta mierapryjemstva prajšło na vysokim uzroŭni. U nas budzie dobraja padstava pakazać usie mocnyja baki našaj respubliki z tym, kab 2017 hod byŭ praryŭnym u płanie pašyreńnia intaresaŭ Biełarusi, pierš za ŭsio, u zachodnim napramku», — skazaŭ jon.
Jak paviedamlałasia, letniaja siesija PA ABSIE projdzie ŭ Minsku 5-9 lipienia i budzie pryśviečana ŭmacavańniu ŭzajemnaha davieru i supracoŭnictva ŭ imia miru i praćvitańnia ŭ rehijonie.
