Hramadskaja inicyjatyva pa pošuku miesca pachavańnia Francyska Skaryny stvoranaja ŭ Biełarusi, paviedamiŭ na pres-kanfierencyi ŭ pres-centry BIEŁTA namieśnik staršyni savieta Biełaruskaha fondu kultury Anatol Butevič.
Pavodle słoŭ Anatola Buteviča, stvorana inicyjatyŭnaja hrupa, jakaja zaniata pošukam dakumientaŭ. Sadziejničańnie hetaj inicyjatyvie hatova akazać Ministerstva zamiežnych spraŭ Biełarusi.
Akramia taho, Biełaruski fond kultury, hramadskaja nahladalnaja kamisija pry Ministerstvie kultury pa pytańniach achovy historyka-kulturnaj spadčyny vyłučyli prapanovu ab prysvajeńni Nacyjanalnaj biblijatecy imia Francyska Skaryny, i jana atrymała padtrymku, adznačyŭ Anatol Butevič.
Hramadskaja arhanizacyja «Biełaruski fond kultury» stvorana ŭ krasaviku 1987 hoda. Fond sadziejničaje papularyzacyi biełaruskaj movy jak asnovy nacyjanalnaj kultury, ažyćciaŭlaje maralnuju, materyjalnuju i arhanizacyjnuju padtrymku hramadskich inicyjatyŭ, nakiravanych na vyvučeńnie, zachavańnie i raźvićcio kulturnaj i histaryčnaj spadčyny Biełarusi, zachavańnie tradycyj, raźvićcio prafiesijnaj i amatarskaj tvorčaści. Za hady raboty hramadskaje abjadnańnie ŭniesła vialiki ŭkład u dziejnaść pa pošuku i viartańni ŭ krainu nacyjanalnych tvoraŭ mastactva, pomnikaŭ historyi i kultury, archiŭnych materyjałaŭ. Biełaruski fond kultury źjaŭlajecca pastajannym pradstaŭnikom hramadskaści va ŭsich nacyjanalnych orhanach pa spravach kultury, a taksama zasnavalnikam respublikanskich fiestyvalaŭ i konkursaŭ.
