U Baranavickim rajonie lehkavy aŭtamabil sutyknuŭsia z Mazam darožnikaŭ, paviedamili BIEŁTAva ŭpraŭleńni DAI UUS Bresckaha abłvykankama.
Fota DAI UUS Bresckaha abłvykankama
Avaryja adbyłasia kala 7 ranicy na aŭtadarozie M1 Brest— Minsk — miaža Rasii. Pavodle papiaredniaj infarmacyi, 55-hadovy hramadzianin Rasii kiravaŭ «Falksvahienam». Mužčyna vybraŭ niebiaśpiečnuju chutkaść ruchu i na 189-m km trasy sutyknuŭsia z aŭtamabilem MAZ darožnaj słužby, jaki apracoŭvaŭ prajeznuju častku piasčana-salanaj sumieśsiu.
U vyniku DTZ zahinuła 58-hadovaja siastra kiroŭcy (taksama hramadzianka Rasii), jakaja jechała na piarednim pasažyrskim siadzieńni. Jašče dva čałavieki, jakija znachodzilisia zzadu, z roznymi traŭmami dastaŭlenyja ŭ balnicu.
Na miescy avaryi pracujuć supracoŭniki DAI.
