Ź niekatorymi najbolš skandalnymi frahmientami daśje ab niepaćvierdžanych suviaziach prezidenta ZŠA Donalda Trampa z Rasijaj źviazany 38-hadovy Siarhiej Milijan (Sergei/Sergio Millian, pry naradžeńni Siarhiej Kukuć), prezident Rasijska-amierykanskaj handlovaj pałaty ŭ ZŠA. Pra heta paviedamiła amierykanskaja hazeta The Wall Street Journal sa spasyłkaj na «asobu, daśviedčanuju ŭ situacyi».
Pavodle The Wall Street Journal, mierkavanamu aŭtaru daśje, byłomu supracoŭniku brytanskich specsłužbaŭ Krystaferu Styłu pieradavali słovy Siarhieja Milijana praź jak najmienš adnaho pasiarednika. Pry hetym, piša WSJ, Milijan moh nia viedać, što dzielicca infarmacyjaj z čałaviekam, jaki źviazany z byłym supracoŭnikam brytanskaj specsłužby.
Da niadaŭniaha času u svaich interviju Milijan kazaŭ, pra svaje blizkija kantakty ź ciapierašnim prezydentam ZŠA.
Amerykanski sajt BuzzFeed apublikavaŭ niekatoryja ź mierkavanych materyjałaŭ Styła pra Trampa na svaim sajcie 10 studzienia, ale prezydent ZŠA i jaho pamočniki zajavili, što hetyja paviedamleńni iłžyvyja.
«Vučyŭsia ŭ MDŁU i Akademii kiravańnia»
Jak paviedamlajecca na sajcie rasiejskaj arhanizacyi «Vnieštorhkłub», u radu jakoj uvachodzić Siarhiej Milijan (Siarhiej Miledźjevič Kukuć), jon naradziŭsia 22 kastryčnika 1978 hodu ŭ h. p. Šarkaŭščyna Viciebskaj vobłaści. U 1995 hodzie, skončyŭšy škołu, pastupiŭ u Mienski dziaržaŭny linhvistyčny ŭniversytet, pa zakančeńni jakoha vučyŭsia ŭ Akademii kiravańnia pry prezydencie Biełarusi na fakultecie menedžmentu pa specyjalnaści juryst. Zaviaršyŭšy dva kursy navučańnia, jon atrymaŭ hrant na stažyroŭku ŭ ZŠA pa mižnarodnaj adukacyjnaj prahramie, što spansujecca Marriott International, Inc.
U kastryčniku 2010 zasnavaŭ Mižnarodny centar raźvićcia biznesu pry Rasiejska-amerykanskaj handlova-pramysłovaj pałacie ŭ ZŠA, jaki maje prasoŭvać rasiejskija kampanii na amerykanski rynak.
Siarhiej Milijan źjaŭlajecca ŭładalnikam kampanij Millian Group, Inc. i Interchallenge, spansaruje druk rasiejska-amierykanskaha dziełavoha časopisa i štomiesiačnaj hazety Handlova-pramyłovaj pałaty.
U bijahrafii adznačajecca, što Milijan «pracuje ŭ sfery žyłoj i kamercyjnaj nieruchomaści na nacyjanalnym i mižnarodnym uzroŭni z Trump Organization i The Related Group».
Taksama ŭ bijahrafii pišuć, što Milijan svabodna vałodaje piaćciu movami — biełaruskaj, anhielskaj, rasiejskaj, italjanskaj i hišpanskaj.
