Donald Tramp, Ivanka i Džared Kušnier, AP
Prezidentu ZŠA Donaldu Trampu pieradaduć zaprašeńnie navahrudskaha muzieja pabyvać u Biełarusi. Pra heta siońnia paviedamili ŭ efiry prahramy «Kontury» na telekanale ANT, paviedamlaje BIEŁTA.
Zaprašeńnie ź vinšavańniami Donaldu Trampu z Muzieja habrejskaha supracivu ŭ Navahrudku ŭžo dasłana. Tut hatovy pryniać i jaho samoha, i ŭsiu jaho siamju. «Ivanka i Džared (dačka Trampa i jaje muž) źbiralisia tut pabyvać, a Čarlz Kušnier (svat Trampa) abiacaŭ pieradać zaprašeńnie prezidentu ZŠA asabista», — paviedamili ŭ efiry ANT.
«Heta ž nie pieršaja naša pierapiska z Čarlzam, i adkaz ja atrymała litaralna za ličanyja siekundy. Adkaz byŭ — tak, ja pieradam ŭsim členam našaj siamji. U Čarlza vielmi ciopłaje staŭleńnie da Navahrudka. Bo heta vielmi typova dla habrejaŭ — mienavita tak stavicca da historyi svajoj siamji, da svaich karanioŭ», - raspaviała stvaralnik Muzieja habrejskaha supracivu ŭ Navahradku Tamara Viaršyckaja.
Jak paviedamlałasia raniej, dakumienty, znojdzienyja ŭ archivach Biełarusi, paćviardžajuć biełaruskija karani ziacia prezidenta ZŠA Donalda Trampa.
