Ahienctva Associated Press paviedamiła pra «10 abiacańniaŭ, jakija Donald Tramp zrabiŭ dla svajho pieršaha dnia». Pavodle Associated Press, paśla ŭstupleńnia na pasadu prezydenta Tramp maje:
CNN
— Prapanavać kanstytucyjnuju papraŭku, jakaja ŭviadzie abmiežavańnie na kolkaść terminaŭ dla kanhresmenaŭ.
— Zamarozić pryjom na pracu ŭ federalnym uradzie, kab źmienšyć vydatki na zarobki. Pry hetym budzie zrobleny vyniatak dla ahienctvaŭ, jakija zajmajucca abaronaj, hramadzkaj biaśpiekaj i achovaj zdaroŭja.
— Zabaranić supracoŭnikam Biełaha domu i Kanhresu rabicca łabistami piać hadoŭ paśla sychodu ź dziaržaŭnaj pasady.
— Abviaścić plany pieramovaŭ ab źmienach u Paŭnočnaamerykanskaj damovie ab volnym handli pamiž ZŠA, Kanadaj i Meksykaj, albo vyjści z hetaj damovy.
— Aficyjna vyjści z Tranścichaakijanskaha partnerstva.
— Źniać abmiežavańni na zdabyču vuhalu, nafty i pryrodnaha hazu.
— Źniać pieraškody, stvoranyja ŭ časie kiraŭnictva Baraka Abamy dla enerhietyčnych prajektaŭ, takich jak trubapravod Keystone XL, jaki maje prachodzić praz terytoryi Kanady i ZŠA.
— Skasavać vypłaty ZŠA ŭ prahramy AAN pa źmienach klimatu i nakiravać hetyja hrošy ŭ infrastrukturu ZŠA pa abaronie navakolnaha asiarodździa i vodazabieśpiačeńnia.
— Spynić usio federalnaje finansavańnie «haradam-prytułkam», u jakich miascovyja ŭłady nie aryštoŭvajuć i nie zatrymlivajuć imihrantaŭ, jakija žyvuć u ZŠA nielehalna.
— Prypynić imihracyju z rehijonaŭ, jakija źviazvajuć z teraryzmam, u tych vypadkach, kali składana pravieści pravierku.
Sam Donald Tramp patłumačyŭ, što pad «pieršym dniom» nia varta razumieć mienavita piatnicu, 20 studzienia. Pavodle jaho, niekatoryja rašeńni buduć padpisanyja adrazu paśla inaŭhuracyjnaj pramovy, a niekatoryja ŭ paniadziełak, 23 studzienia.
