Pa słovach kiraŭnika «Rosnano» Anatola Čubajsa, siarod udzielnikaŭ ekanamičnaha forumu ŭ Davosie panuje žach. Pra heta jon raspavioŭ u intervju BFM.
«Mabyć, samaje dakładnaje apisańnie hetaha Davosa — heta adčuvańnie žachu ad hłabalnaj palityčnaj katastrofy», — zajaviŭ Čubajs. Jon adznačyŭ, što padobnuju situacyju za ŭsie svaje hady ŭdziełu ŭ Davosie jon moža ŭspomnić «tolki adzin raz» — u 2009 hodzie. Tady, pa słovach kiraŭnika «Rosnano», razhortvaŭsia «hłabalny suśvietny finansavy kryzis». Na jaho dumku, «stupień žachu ciapier» roŭnaja «stupieni žachu ŭ 2009 hodzie».
Čubajs paviedamiŭ, što «ciapierašniaja katastrofa» — heta «čysta palityčnaja źjava». Situacyju, jakaja skłałasia, na jaho dumku, adlustroŭvaje vystup na forumie kiraŭnika KNR Si Czińpina, jaki staŭ «odaj rynkavaj ekanomicy». U svajoj pramovie Si zaklikaŭ admianić mižkrainavyja handlovyja barjery, źnizić pošliny. U toj ža čas, padkreśliŭ Čubajs, abrany prezident ZŠA Donald Tramp zajaŭlaje, što «Amieryku ŭsie kryŭdziać i što jon [Tramp] budzie pavyšać impartnyja pošliny».
Taksama kiraŭnik «Rosnano» vykazaŭ svajo staŭleńnie da Trampa. Havoračy pra respublikancaŭ, Čubajs pracytavaŭ słovy adnoj z «najbujniejšych amierykanskich udzielnic» forumu, jakaja zajaviła, što ŭ Trampa-prezidenta jość «tolki dźvie opcyi»: admovicca ad «usiaho, što jon skazaŭ da hetaha času» abo pryvieści «nas usich da katastrofy».
Suśvietny ekanamičny forum (VEF) u 47-y raz prachodzić u šviejcarskim Davosie z 17 pa 20 studzienia.
