U listapadzie 2016-ha studyja animacyjnych filmaŭ zaviaršyła pracu nad dvuchsotym multfilmam. Im stała pieršaja častka novaj karciny «Zorki siomaha nieba» pa knizie Hienadzia Davydźki. Heta budzie pieršy biełaruski animacyjny miuzikł, piša BiełTA.
Zhodna ź siužetam, talenavity navukoviec vynachodzić novy supierkampjutar, jaki abiacaje ŭsich ludziej zrabić ščaślivymi. Ale ŭ vysakarodnuju ideju ŭmiešvajecca złosny čarviak. Z dapamohaj vynachodki navukoŭca jon praryvajecca ŭ realny śviet i razrastajecca ŭ monstra. Achinaje ŭsiu ziamlu i zakryvaje jaje šaściu niabiosami. Na kožnym ź ich sielić svaich padnačalenych — Raźlulaja, Vialikarła, Bajušku, Nahluku, Sytuchu i Strach, pieratvarajučy ich u supierzorak.
Ludzi hladziać na hetych supierzorak, pakłaniajucca im i, zabyŭšysia pra sapraŭdnyja zorki, pierastajuć maryć. I tady fiei, jakija žyvuć na hetych zorkach na siomym niebie, adpraŭlajucca na ziamlu, kab znajści letucieńnika, jaki dapamoža pazbavicca ad žudasnych monstraŭ.
Nad filmam praciahłaściu 13 chvilin pracavali kala 50 čałaviek na praciahu 11 miesiacaŭ. Režysioram vystupiła Alena Turava. Multyplikacyjnych piersanažaŭ ahučyli Tea, Śviatłana Bień, Dzianis Dudzinski i Dziadzia Vania.
U budučym animavanym miuzikle zapłanavana 5 častak. Pakul skončanaja praca nad pieršaj častkaj. Ale, pa słovach Aleny Turavaj, pakazvać karcinu častkami nie płanujecca. Całkam praca pavinna zaviaršycca ŭ 2019 hodzie.
