Biełaruś choča mieć dobryja adnosiny z ZŠA, ale nie budzie biehčy napieradzie paravoza, zajaviŭ siońnia Alaksandr Łukašenka, prymajučy rašeńni ab kadravych naznačeńniach siarod kiraŭnikoŭ MZS i dypłamatyčnych pradstaŭnictvaŭ.
«My svaju pazicyju zajavili — heta impieryja, viadučaja kraina ŭ śviecie, i my pavinny ź imi mieć dobryja adnosiny. Ale biehčy napieradzie paravoza i abiacać toje, što my nikoli nie zrobim, ni ŭ jakim razie nielha, — padkreśliŭ Łukašenka. — Kirunak vybudoŭvańnia ź imi adnosin vyznačany. Treba pa hetym šlachu iści».
Było adznačana, što vieraśniovaja zajava Alaksandra Łukašenki ab pieramozie Donalda Trampa na prezidenckich vybarach u ZŠA nie zastałasia ŭ hetaj krainie biez uvahi.
«Bolš, čym my, adkryta i sumlenna, ad dušy, nichto Trampa nie padtrymlivaŭ, — źviarnuŭ uvahu Łukašenka. — My zajmali peŭnuju pazicyju i ad jaje nie adyšli. My ščyra i sumlenna zajmali hetu pazicyju».