Biełaruski bitmejkier i elektronny muzyka Awlnight vystupić na najbujniejšym na Bałkanach muzyčnym šoŭkiejs-fiestyvali MENT Ljubljana, jaki adbudzieccana pačatku lutaha ŭ stalicy Słavienii. Na mierapryjemstva było padadziena bolš za 1300 zajavak ad artystaŭ ź dziasiatkaŭ krain śvietu, ź jakich arhanizatary abrali tolki 50.
Dla Awlnight heta ŭžo druhi jeŭrapiejski šoŭkiejs-fiestyval paśla Tallinn Music Week 2016. Na rachunku muzyki šerah albomaŭ, vydadzienych na roznych łejbłach u ZŠA i Kanadzie, a taksama supolnyja prajekty z muzykami ź Japonii, ZŠA, Tajvaniu, Litvy, Rasii, Ukrainy. Partnioram fiestyvalu MENT Ljubljana ŭ Biełarusi źjaŭlajecca prajekt Experty.by.
— U hetym hodzie my atrymali 36 zajavak ad biełaruskich artystaŭ — heta dobraja ličba, uličvajučy adlehłaść pamiž našymi krainami. Nas ciešyć cikaŭnaść da fiestyvalu, a taksama mahčymaść pastupova adčyniać dla siabie i našych haściej biełaruskuju muzyčnuju scenu. U minułym hodzie Super Besse i Mustelide zrabili vielmi dobraje ŭražańnie na publiku i delehataŭ kanfierencyi, atrymali šerah prapanovaŭ pa fiestyvalach u Zachodniaj Jeŭropie. Miarkuju, što Awlnight zdoleje padtrymać hetuju stanoŭčuju tendencyju, — adznačaje Andraž Kajzier, bukier MENT Ljubljana.
Fiestyval MENT Ljubljana adbudziecca tolki ŭ treci raz, ale jon paśpieŭ zavajavać surjoznuju reputacyju siarod jeŭrapiejskich muzyčnych prafiesijanałaŭ. Na kancertach i kanfierencyi prysutničajuć arhanizatary fiestyvalaŭ, bukiery, pradstaŭniki łejbłaŭ i žurnalisty z Zachodniaj, Centralnaj i Uschodniaj Jeŭropy. Kvitki i dadatkovaja infarmacyja pra fiestyval na sajcie www.ment.si.
