Pres-sakratar prezidenta RF Dźmitryj Piaskoŭ paviedamiŭ, što Dźmitryj Utkin, jakoha nazyvajuć kamandziram rasijskich najomnikaŭ, viadomy pad pazyŭnym «Vahnier», byŭ u śpisach zaprošanych na bankiet u Kramli 9 śniežnia.
«Dźmitryj Utkin sapraŭdy byŭ. Jon kavaler ordenaŭ Mužnaści i jon byŭ sapraŭdy ad Naŭharodskaj vobłaści», — skazaŭ Piaskoŭ.
Na pytańnie, za što mienavita Utkin atrymaŭ orden Mužnaści, Piaskoŭ adkazać nie zmoh, paviedamiŭšy tolki, što zvyčajna jany [ordeny] dajucca za mužnaść.
Na prośbu žurnalistaŭ udakładnić, ci znachodziacca najomniki z «hrupy Vahniera», ciapier u Siryi, Piaskoŭ skazaŭ: «Ja nie viedaju, što ŭ jaho jość bajcy i nie viedaju, ci znachodziacca jany ŭ Siryi, i nie viedaju, ci jość u ich naohuł niejki status».
***
12 śniežnia «Fontanka» paviedamiła, što na pryjomie ŭ honar Dnia Hierojaŭ Ajčyny ŭ Kramli byŭ zaŭvažany Dźmitryj Utkin. Piaskoŭ abiacaŭ pravieryć hetuju infarmacyju.
***
Pa dadzienych «Fantanki» i «Haziety.Ru», Utkin uznačalvaje pryvatnuju vajennuju kampaniju, jakaja rychtuje najomnikaŭ dla ŭdziełu ŭ bajavych dziejańniach, u tym liku ŭ Danbasie i Siryi.
U rasijskim Kryminalnym kodeksie jość artykuł «najomnictva», jaki praduhledžvaje pakarańnie da 15 hadoŭ pazbaŭleńnia voli.
