U redakcyju «Našaj Nivy» pryjšła skarha ad nastaŭnikaŭ homielskaj siaredniaj škoły №32. Pa ich słovach, piedahohaŭ prymušajuć ustupać u respublikanskaje hramadskaje abjadnańnie «Biełaja Ruś».
Homielskaja škoła №32
Nastaŭniki śćviardžajuć, što administracyja škoły praviała schod, na jakim paraiła ŭstupić u «Biełuju Ruś» pad pahrozaj zvalnieńnia.
Pra toje, što schod byŭ i piedahoham sapraŭdy prapanavali členstva ŭ arhanizacyi, paćvierdzili i ŭ škole.
Ale ž dyrektarka Ała Nikifarava śćviardžaje, što heta była prosta prapanova, ničoha bolš.
«Prymušać ludziej supiarečyć i statutu «Biełaj Rusi» i maim funkcyjanalnym abaviazkam. Tamu ja prosta prapanavała kalektyvu. Nichto nikoha navat nie prasiŭ, prosta prapanavali, — kaža Nikifarava. — Kali nastaŭnik nie choča — to i nie treba. Takija jość, što vy dumajecie, ŭsie ŭziali i pabiehli ŭ «Biełuju Ruś»? Nie chočaš — nie idzi. Jość nastaŭniki, jakija kateharyčna nie chočuć ustupać — heta ich prava».
Sama Nikifarava źjaŭlajecca čalcom «Biełaj Rusi» z 2008 hoda.
