Ekanomika Biełarusi praciahnie zastavacca ŭ stanie recesii jašče i ŭ 2017 hodzie. Pra heta zajaviŭ krainavy ekanamist Suśvietnaha banka ŭ RB Kirył Hajduk, piša Tut.by.
«Ekanomika zastaniecca ŭ stanie recesii. Adnaŭleńnie čakajecca nie raniej za 2018 hod», — skazaŭ Hajduk.
SB čakaje, što recesija budzie mienšaj, čym u hetym hodzie. Ekśpierty banka prahnazujuć, što VUP Biełarusi skarocicca ŭ nastupnym hodzie na 0,9%.
«Zachoŭvajucca vonkavyja dysbałansy z pryčyny źnižeńnia ekspartnaj vyručki i daŭhavych vypłat u zamiežnaj valucie», — adznačyŭ Hajduk.
Rost ekanomiki mahčymy u 2018 hodzie na 1,1%.
U pieršuju čarhu heta źviazana z adnaŭleńniem rynkaŭ asnoŭnych handlovych partnioraŭ. Akramia taho, nadziei źviazanyja z reformami, nakiravanymi na pavyšeńnie kankurentazdolnaści i pradukcyjnaści pradpryjemstvaŭ realnaha siektara.
Kirył Hajduk padkreśliŭ, što ŭ dadzienym scenary zakładziena adnaŭleńnie abjomaŭ pastavak nafty i hazu z Rasii. Ekanamist ličyć, što ŭ 2017 hodzie mahčymy praciah skaračeńnia realnych dachodaŭ nasielnictva i rost biespracoŭja.
«Ale ich tempy buduć mienšyja, čym u hetym hodzie», - adznačyŭ jon.
