Ukrainski sud pryznaŭ zakonnym rašeńnie abłasnoj rady deputataŭ ab vysialeńni z budynka ŭ centry Lvova Ruskaha kulturnaha centra. Hety dom płanujecca zdavać u arendu arhanizacyjam, źviazanym z padtrymkaj vajennaj apieracyi na Danbasie.
«Haspadarčy sud Lvoŭskaj vobłaści pastanaviŭ vysielić arandataraŭ z pamiaškańnia pa vuł. Karalenki, 1a. Ruskaje kulturnaje tavarystva i jaho brackija arhanizacyi, takija jak redakcyja ukrainafobskaha «Ruskaha vieśnika», mohuć pavoli pakavać rečy», — zajaviŭ u piatnicu «Ukrinfarmu» namieśnik staršyni Lvoŭskaha abłsavieta Uładzimir Hirniak.
U kancy kastryčnika deputaty abłasnoj rady pryniali rašeńnie viarnuć pamiaškańnie płoščaj kala 400 kvadratnych mietraŭ kamunalnamu pradpryjemstvu abłasnoj rady «Nieruchomaść i majomaść». Budynak, jaki prymykaje da kafiedralnaha sabora Lvoŭskaj jeparchii Ukrainskaj pravasłaŭnaj carkvy Maskoŭskaha patryjarchatu, Ruski kulturny centr atrymaŭ u 1990 hodzie i arandavaŭ jaho za simvaličnyja 5 hryŭniaŭ.
Deputaty pakazali ŭ svajoj pastanovie, što paśla ramontu budynak pieradaduć u arendu hramadskim arhanizacyjam, jakija «ažyćciaŭlajuć dziejnaść, źviazanuju z ATA», pisała miascovaje vydańnie Zaxid.net. Ruski kulturny centr asprečyŭ rašeńnie abłasnoj rady ŭ sudzie.
Budynak na vulicy Karalenki pabudavali manachi-francyskancy u 1932-1934 hady. U savieckija hady tam byŭ kinateatr.
Vysialeńniu Ruskaha kulturnaha centra papiaredničali majomasnyja sprečki, dla vyrašeńnia jakich ułady vyrašyli stvaryć kantrolnuju kamisiju. Paśla rašeńnia abłasnoj rady ab vysialeńni pradstaŭniki centra źviarnulisia da prezidenta Ukrainy Piatra Parašenki z prośbaj abaranić ich ad «samavolstva deputataŭ i čynoŭnikaŭ Lvoŭščyny».
