U Viciebsku adbyłosia sutyknieńnie niekalkich aŭtamabilaŭ, u tym liku mašyn Departamienta achovy i mieddapamohi, paviedamili BiełTA ŭ adździaleńni ahitacyi i prapahandy DAI UUS Viciebskaha abłvykankama.
Avaryja adbyłasia a pieršaj hadzinie dnia na vulicy Kirava. «Milicejski aŭtamabil jechaŭ na vyklik z boku vakzała da Kiraŭskaha mosta. U hety čas z boku vulicy Kamsamolskaj vyjechaŭ inšy aŭtamabil. Adbyłosia sutyknieńnie, u vyniku jakoha «Žyhuli» departamienta vyniesła na pałasu sustrečnaha ruchu, dzie ŭ ich urezaŭsia aŭtamabil mieddapamohi. Śledam u jaho ŭlacieli jašče para aŭto. U ahulnaj składanaści ŭ DTZ trapili kala piaci mašyn. Heta pavodle papiaredniaj infarmacyi», — rastłumačyŭ časovy vykanaŭca abaviazkaŭ načalnika adździaleńnia ahitacyi i prapahandy DAI Alaksandr Kaziučyc.
Jon dadaŭ, što ŭ vyniku avaryi paciarpieŭ supracoŭnik milicyi, jakomu akazanaja mieddapamoha. U dadzieny momant pa fakcie DTZ pravodzicca raźbiralnictva, vyśviatlajucca ŭsie abstaviny, u tym liku było pieravaha ŭ «Žyhuloŭ» Departamienta achovy, ci byli ŭklučanyja majački.
