Pra heta paviedamiŭ načalnik adździeła techničnych srodkaŭ i sistem DAI HUUS Minharvykankama Dźmitryj Navoj na pres-kanfierencyi, pryśviečanaj kancepcyi zabieśpiačeńnia biaśpieki darožnaha ruchu «Dobraja daroha» na 2016-2020 hady, pieradaje BiełTA.
«U nastupnym hodzie pačnucca raboty pa ŭstanoŭcy na MKAD 17 dadatkovych kamier fotafiksacyi chutkaści. U 2018 hodzie treba ŭstalavać jašče 35 kamier», — adznačyŭ Źmicier Navoj.
Miery pa pavyšeńni biaśpieki daroh stalicy zakładzienyja ŭ kancepcyju «Dobraja daroha» da 2020 hoda, jakaja była zaćvierdžanaja 16 listapada Minskim haradskim Savietam deputataŭ. Kancepcyja praduhledžvaje ŭ tym liku abstalavańnie novych astraŭkoŭ biaśpieki ŭ 2017 hodzie na darohach Minska. U pryvatnaści, astraŭki biaśpieki płanujecca ŭładkavać u Centralnym rajonie na vuł. Zasłaŭskaj, pablizu doma 11, na skryžavańni vuł Ałaizy Paškievič z vuł. Čyčeryna i vuł. Charužaj z zav. Vodapravodnym, a taksama pa adrasie vuł. Karastajanavaj, 21. U Maskoŭskim rajonie — na praśpiekcie Haziety «Źviazda».
U Kastryčnickim rajonie astravok biaśpieki pavinien źjavicca na vuł. Asanalijeva, 5 i 9, Mahiloŭskaj, 14 i 18, a taksama Čkałava, 27. U Zavodskim rajonie — na vuł. Varvašeni, 11 i Mašynabudaŭnikoŭ, 30. U Savieckim rajonie — na vuł. Kulman, 21 i Broŭki, 10.
U Leninskim rajonie płanujecca ŭładkavać astraŭki biaśpieki na vuł. Łučyny, 36 i Prušynskich, 32, a taksama na skryžavańni hetych dvuch vulic. A ŭ Partyzanskim rajonie — na skryžavańniach vuł. Zacharava z zav. Braniavym i Vajskovym.
