«Hety kalandar — tranślacyja indyvidualnaści, pačućciovaści i śmiełaści, kab być samoj saboj», — tak Picier Lindbierh apisvaje novy vypusk kalendara Pirelli, źniataha ŭłasnaručna.
Letaś z talenavitaj ruki Eni Lejbavic kalandar źmianiŭsia i, vidać, bolš nikoli nie budzie raniejšym. Lindbierh taksama schilajecca da inšadumstva. Jaho metaj było pakazać niešta bolšaje, čym biezdakornaje cieła — emocyi žančyn u kadry, jakija «ahalajuć» ich značna macniej, čym adsutnaść adzieńnia, piša Vogue.
Džulijana Mur. Tut i nižej fota — pirellicalendar.pirelli.com
Kalandar — oda Lindbierha kino. Na jaho staronkach halivudskija aktrysy — pradstaŭnicy roznych pakaleńniaŭ: Džulijana Mur, Nikol Kidman, Robin Rajt, Uma Turman, Kiejt Uinślet, Džesika Čestejn, Šarłota Remplinh, Pieniełopa Krus, Runi Mara, Chielen Miren, Lupita Njonha, Lea Siejdu, Alisija Vikander, Čžan Czyi.
Nikol Kidman
Zdymki praciahvalisia 2 miesiacy — maj i červień. Za hety čas hrupa abjechała 5 haradoŭ: zdymali ŭ Bierlinie, Łos-Andželesie, Ńju-Jorku, Łondanie i ŭ francuzskim miastečku Le-Tuk, u studyjach, na haradskich vulicach i na pryrodzie.
Uma Turman
Mini-film pra toje, jak stvaraŭsia kalandar Pirelli 2017:
Fota z-za kulisaŭ:
Kiejt Uinślet
Kampanija Pirelli vypuskaje svaje kalendary z 1964 hoda. Vydańnie raspaŭsiudžvajecca abmiežavanym nakładam u 30 tysiač asobnikaŭ siarod pryvilejavanych partnioraŭ i siabroŭ firmy.
