Zaprašajem na tvorčuju sustreču ź Viktaram Aślukom, jakaja adbudziecca 29 listapada a 18.30 u Muziei historyi biełaruskaha kino. Impreza projdzie ŭ miežach piataha pakazu retraśpiektyvy režysiora «Koła», jakaja składajecca z 18 filmaŭ, źniatych Viktaram Aślukom za pieryjad ad 1994 da 2014 hh.
Aproč hutarki ź viadomym kinadakumientalistam, naviedvalniki zmohuć pavinšavać Viktara Mikałajeviča ź jubilejem (26 listapada režysioru spoŭniłasia 55!) i ŭbačyć try jaho filmy: «Askołki» (2011), «Ałmaz» (2013),
«Ciapło» (2012).
Suarhanizataram mierapryjemstva źjaŭlajecca prajekt BelarusDocs (https://www.facebook.com/belarusdocs/)
Staronka mierapryjemstva ŭ facebook - https://www.facebook.com/events/1853306748222853/
Viktar Aśluk - režysior i scenaryst, vypusknik Biełaruskaha dziaržaŭnaha ŭniviersiteta i Biełaruskaj akademii mastactvaŭ (majsternia Viktara Dašuka). Z 1995 hodu pracuje na Nacyjanalnaj kinastudyi «Biełaruśfilm». Z 2003 h. - siabra Jeŭrapiejskaj kinaakademii. Režysior bolš čym 40 dakumientalnych filmaŭ. Udzielnik šmatlikich mižnarodnych kinafiestyvalaŭ, na jakich atrymaŭ kala 60 uznaharod. Łaŭreat najbolš značnych fiestyvalaŭ dakumientalnaha i karotkamietražnaha kino ŭ śviecie - «Cinema du Reel» (Francyja), «DOKLeipzig» (Hiermanija), Tampere International Short Film Festival (Finlandyja), «Posłanije k čiełovieku» (Rasija), Prix Europa (Hiermanija). U 2003 film Viktara Aśluka «My žyviem na krai» byŭ naminavany na premiju Jeŭrapiejskaj kinaakademii ŭ naminacyi «lepšy karotkamietražny film».
Retraśpiektyva Viktara Aśluka ŭ Muziei kino zavieršycca pakazami 29 listapada i 1 śniežnia.
29 listapada (aŭtorak) a 15-00 i 18-30
Askołki (2011)
Ałmaz (2013)
Ciapło (2012)
1 śniežnia (čaćvier) a 15-00 i 18-30
Ščaślivyja ludzi (2014)
Draŭlany narod (2011)
Ziamla (2011)
29 listapada (aŭtorak) a 15-00 i 18-30
ASKOŁKI. Biełaruś, 2011 - 30 chv.
Aŭtar scenaryja i režysior Viktar Aśluk
Paśla razvału SSSR u nievialikuju biełaruskuju viosku ŭ baćkoŭskija chaty viarnulisia niekalki jašče nie starych adzinokich mužčyn. Jany nie ŭspaminajuć minułaje, nie dumajuć pra budučaje, a žyvuć adnym dniom. Ad adzinoty ratujucca harełkaj i razmovami. Jany — askołki taho žyćcia, jakoje minuła i jakoje im užo nie viarnuć i nie skleić.
Udzieł u mižnarodnych kinafiestyvalach: DOKLEIPZIG (Hiermanija), 2011, ARTDOKFIEST (Rasija) 2011 i inš.
AŁMAZ. Biełaruś — Polša, 2013, 30 chv.
Aŭtar scenaryja i režysior Viktar Aśluk
Stary Alaksiej Klunia — adziny žychar vostrava pasiarod voziera Ładaha. Alaksiej časta razmaŭlaje sam z saboj. Ci sa svaim adzinym siabram — kaniom Ałmazam, ź jakim jany razam užo šmat hadoŭ. Alaksiej choča, kab, kali jon pamre, jahonuju trunu na mohiłki vioz Ałmaz.
Hran-pry Załaty zamak (17 IFF OFF CINEMA, Poland, 2013)
Lepšy dakumientalny film (MEDIAWAVE On-line IFF, Hungary, 2014)
Asnoŭnaja ŭznaharoda (12 International Festival Zeichen der Nacht (Signes de Nuit) in Berlin, 2014)
Uznaharoda Studenckaha sajuza Greifswald (IFF DOKUMENTART, Neubrandenburg,Germany, 2014)
Lepšy mižnarodny karotkamietražny dakumientalny film (MiradasDoc, Spain, 2014)
Udzieł u mižnarodnych kinafiestyvalach: Stambuł (Turcyja), Biškiek (Kirhizija), Siniema Vieryte (Iran, Tehieran), Ueska (Ispanija) i inš.
CIAPŁO. «Biełaruski videacentr», 2012, 21 chv.
Aŭtary scenaryja Viktar Aśluk, Juryj Ihruša, režysior Viktar Aśluk
Heta trochi dziŭnaje miesca, dzie zimoj, siarod śniežnych sumiotaŭ i zastyłych ledzianych vadaspadaŭ, vielmi ciopła. Mužčyny i žančyny napaŭapraŭnutyja i ŭspaciełyja. Ich ruchi la stankoŭ daskanałyja, zhrabnyja i rytmičnyja, jak u tancy. Huł mašyn nahadvaje muzyku. Pamiž ludźmi i technikaj takaja harmonija, što jany zdajucca častkami cełaha, jak by praciaham adno adnaho. Zładžanaje dziejańnie pierapyniajecca tolki na imhnieńnie. Chtości zadumvajecca, vyciraje pot ź iłba ci prysadžvajecca, kab pieravieści duch. Na hetaj fabrycy ŭ pasiołku Śmiłavičy pad Minskam robiać valonki, jakija potym pradajucca pa ŭsim śviecie.
Lepšy dakumientalny film (IFF «Black and white», Porto, Portugal 2013)
Best Short Doc (Faito doc Festival, Italy, 2013)
Lepšy karotkamietražny film (24th Open film festival of Documentary Cinema, Ekaterinburg, Russia 2013)
Pryz za režysuru (Nacyjanalny kinafiestyval biełaruskich filmaŭ, Brest, Biełaruś, 2012)
Pryz za lepšuju vyjavu (CRONOGRAF IFF Moldova 2013)
Udzieł u mižnarodnych fiestyvalach: Faita (Italija), «Pasłańnie da čałavieka» (Sankt-Pieciarburh) i inš.
1 śniežnia (čaćvier) a 15-00 i 18-30
ŠČAŚLIVYJA LUDZI. Biełaruś, 2014, 30 chv.
Aŭtar scenaryja i režysior Viktar Aśluk
25 hod nazad Jura i Tamara Bajkovy pradali svaju kvateru ŭ centry Pieciarburha i pierajechali ŭ biełaruski les. Jany pabudavali sabie časovuju chatku-šałaš, u jakoj žyvuć dasiul. U ich vialiki aharod, i kruhły hod jany pracujuć ad ranku da stanku. Ad palany Jury i Tamary da bližejšaj vioski 15 kiłamietraŭ lesam. U ich niama vadapravoda (jany pjuć vadu z rečki), elektryčnaści, suviazi i inšych atrybutaŭ sučasnaha žyćcia. Ale zatoje ŭ ich jość nievierahodnaja kolkaść svojskich žyviołaŭ, i žyvuć jany jak u Nojevym kaŭčezie, u biaśpiecy ad cyvilizacyi.
Udzieł u mižnarodnych kinafiestyvalach: Cinema du Reel (Paryž, Francyja) i inš.
DRAŬLANY NAROD. «Biełaruśfilm», 2011, 27 chv.
Aŭtar scenaryja i režysior Viktar Aśluk
Stary Mikałaj Tarasiuk — adziny žychar vioski ŭ Biełaviežskaj Puščy. Kaliści ŭ hetym miescy viravała žyćcio, ale tady sialanie vyjechali ŭ horad ci pamierli. Mikałaja pryhniataje nie tolki adzinota. Jamu nievynosna ciažka pryniać sucelnuju stratu byłoha ładu. I tamu jon uvaskrasiŭ svaich źnikłych i pamierłych susiedziaŭ. Jon vyrazaŭ z dreva sotni draŭlanych fihurak, jaki pradstaŭlajuć usie mahčymyja vidy sialanskaj pracy i ŭsie etapy čałaviečaha žyćcia. Jahonyja piersanažy pracujuć, kachajuć, ženiacca, naradžajuć, zdradžvajuć, razvodziacca, pjuć i pamirajuć. Draŭlanaje hramadstva navat maje atamnuju bombu, jakaja pahražaje minijaciurnamu čałaviectvu. Voś tak Mikałaj i žyvie — pracuje ŭ poli, jak stahodździami rabili jahonyja prodki, i razmaŭlaje sa svaimi maleńkimi ludźmi.
Hałoŭnaja uznaharoda (Ateliers d'Art de France International Film Festival on Crafts, Montpellier, France 2014)
Pryz za lepšy karotkamietražny film (23th Open film festival of Documentary Cinema, Ekaterinburg, Russia 2012)
Hran-pry (IFF ‘Magnificat', Belarus,2012)
Lepšy film u katehoryi «Architektura i łandšaft» (Asolo ARTfilmfestival, Italy, 2012)
Pryz hladackich simpatyj u katehoryi «Karotkamietražny dakumientalny film» (Filmfest Eberswalde, Germany, 2013)
Udzieł u mižnarodnych kinafiestyvalach: Cinema du Reel (Paryž, Francyja), HotDocs (Taronta, Kanada) i inš.
ZIAMLA. Biełaruś, 2011, 30 chv.
Aŭtar scenaryja i režysior Viktar Aśluk
Jość miescy na ziamli, dzie Druhaja Suśvietnaja vajna jašče nie skončyłasia. Na miescy byłych paloŭ bitvy, jakija zaraz paraśli lesam, lažać niepachavanymi tysiačy savieckich sałdat. Štohod siudy pryjazdžajuć vałanciory, kab adšukać čałaviečyja pareštki i hodna pachavać ich. Jany vykopvajuć kostki, kab pachavać ich znoŭ — absurdny cykł. Siarod hrazi i vady, ziamla adkryvaje minułaje, i zabityja sałdaty paŭstajuć u chranikalnych vobrazach, jak duchi hetaha lesa. Heta film-elehija, jaki jašče raz nahadvaje pra krochkaść čałaviečaha isnavańnia.
Prix International de la SCAM (Cinema du Reel, Paris, France, 2012)
Uznaharoda studenckaha žury (Doc en Courts, Lyon, France, 2012)
Udzieł u mižnarodnych kinafiestyvalach: DokLeipzig (Hiermanija), DocLisboa (Partuhalija), «TrueFalse» (ZŠA), Ihłava (Čechija), ARTDOKFIEST (Rasija), Ismala (Jehipiet), Mediawave (Vienhryja) i inš.
Filmy demanstrujucca ŭ Muziei historyi biełaruskaha kino (Minsk, vuł. Śviardłova, 4).
Cana kvitka — 2 rubli.
