Aficyjant techaskaha restarana atrymaŭ ad klijenta čajavyja na sumu 750 dalaraŭ paśla taho jak zhadaŭ, što dva hady nie bačyŭ svaju siamju z Paŭnočnaj Irłandyi, piša VVS.
Taryn Keith
22-hadovy aficyjant Ben Miłar raspavioŭ, što ŭ minułuju subotu jon absłuhoŭvaŭ za abiedam mužčynu pa imieni Džefry i jany pačali havaryć pra Irłandyju.
Džefry skazaŭ, što časta tam byvaje, a Ben paskardziŭsia, što chacieŭ by čaściej bačyć siamju, jakaja žyvie tam.
Ben Miłar pabačyŭ čajavyja, tolki kali Džefry i jaho spadarožniki pakinuli restaran. Nadpis na čeku za abied byŭ taki: «Spadziajusia, heta dazvolić tabie pajechać u Irłandyju na vakacyi».
Miłar raspavioŭ, što za čas svajoj pracy jon nikoli nie atrymlivaŭ takich ščodrych čajavych. Jaho siabroŭka čakaje dzicia, i jon raźličvaŭ nazapasić hrošaj da naradžeńnia syna, kab pradstavić svaju novuju siamju svajakam ź Biełfasta.
«Ja spadziajusia źviazacca z Džefry i pieradać, što ja jamu vielmi ŭdziačny», — skazaŭ aficyjant.
