Partyja «Sajuz sialan i zialonych Litvy» i Sacyjał-demakratyčnaja partyja Litvy siońnia padpisali kaalicyjnuju damovu. Podpisy pad dakumientam pastavili staršyni partyj Ramunas Karbauskis i Alhirdas Butkiavičus, paviedamlaje BNS.
U budučym uradzie «sialanam» buduć naležać 11 ministerskich partfielaŭ, sacyjał-demakratam — 3: zamiežnych spraŭ, justycyi i haspadarki.
Najbolš realnym kandydatam na post premjera źjaŭlajecca pradstaŭnik Sajuza sialan Saŭlus Skviarnialis.
U płanach kaalicyi — abjadnańnie ministerstvaŭ haspadarki i enierhietyki i pieranos u Kaŭnas ministerstvaŭ achovy navakolnaha asiarodździa i sielskaj haspadarki. Ustupleńnie ŭ siłu novaha Pracoŭnaha kodeksa abiacajuć adterminavać na paŭhoda dla dapracoŭki.
Na parłamienckich vybarach u Litvie, jakija adbylisia ŭ kastryčniku, pieramoh Sajuz sialan i zialonych, jaki atrymaŭ 54 mandaty. Sajuz Ajčyny — Chryścijanskija demakraty Litvy — 31 mandat, Sacyjał-demakratyčnaja partyja — 17.
