U Minsku 6 listapada prachodzić šeście da Łošyckaha jara — miesca rasstrełu achviar stalinskich represij. Akcyju tradycyjna pravodzić Kansiervatyŭna-chryścijanskaja partyja — BNF (KCHP-BNF).
Fota Radyjo Svaboda
Šeście pačałosia ŭ 12.30 kala DK «Łošycki» (były DK Kamvolnaha kambinata). U im biaruć udzieł kala 30 čałaviek, u asnoŭnym pradstaŭniki partyi. Udzielniki iduć pa tratuary ŭzdoŭž vulicy Majakoŭskaha. Jany niasuć mnostva bieł-čyrvona-biełych ściahoŭ, a taksama simvoliku KCHP-BNF.
Akcyja sankcyjanavanaja haradskimi ŭładami. Jaje ŭdzielnikaŭ supravadžaje bolš za dva dziasiatki supracoŭnikaŭ pravaachoŭnych orhanaŭ u cyvilnym, a taksama niekalki supracoŭnikaŭ AMAPa ŭ formie. Niekatoryja ź ich zdymajuć toje, što adbyvajecca, na kamieru.
U finalnym punkcie šeścia — Łošyckim jary — zapłanavany mitynh pamiaci achviar stalinskich represij.
