Urahan «Mećju» staŭ pryčynaj hibieli 478 čałaviek na Haici, infarmuje Reuters.
Pradstaŭnik MZS Hiermanii Marcin Šefier zajaviŭ, što FRH nakiruje 600 tysiač jeŭra dapamohi astraŭnoj dziaržavie. Srodki vyłučanyja ŭ adkaz na zapyt urada Haici ab padtrymcy ŭ suviazi z mocnymi razbureńniami ad urahanu.
Jak paviedamlaje Bi-Bi-Si, urahan «Mećju» pryvioŭ da katastrafičnych nastupstvaŭ dla Haici: źniščanyja tysiačy damoŭ, razburanyja masty, darohi, vyrvanyja z karaniami drevy.
Miž tym urahan dasiahnuŭ atłantyčnaha ŭźbiarežža ZŠA. Amierykanski lidar Barak Abama abviaściŭ na fiederalnym uzroŭni režym nadzvyčajnaha zdareńnia ŭ štatach Fłaryda i Paŭdniovaja Karalina. Było addadziena rasparadžeńnie akazvać miascovym uładam usiu nieabchodnuju dapamohu. Taksama «Mećju» bušuje na terytoryjach štataŭ Džordžyja i Paŭnočnaja Karalina.