Biełaruskija padraździaleńni VPS i vojsk SPA pravodziać vučeńni na rasijskim palihonie Ašułuk - u astrachanskich stepach, dzie niama abmiežavańniaŭ pa vyšyniach i maršrutach palotaŭ avijacyi, piša vsr.mil.by.
Technika i vajskoŭcy prybyli ŭ Ašułuk čyhunkaj i na transpartnym Ił-76MD.
Schiema pracy kompleksu «Rasa-RB» z 5 aŭtanomnymi RSŁ i sistemaj dystancyjnaha kiravańnia. Vyjava kbradar.by
Praviaduć bajavyja strelby raźliki biełaruskich zienitna-rakietnych kompleksaŭ S-300, adnak adnačasova buduć vykarystoŭvacca najnoŭšyja ŭzory radyjołakacyjnaj techniki.
Hetak dla stralby pa celach na vyšyniach da 150 km budzie vykarystoŭvacca trochkaardynatnaja radyjołakacyjnaja stancyja decymietrovaha dyjapazonu «Praciŭnik» rasijskaj vytvorčaści, jakaja ŭ žniŭni źjaviłasia na ŭzbrajeńni biełaruskaj armii.
Padčas vučeńniaŭ taksama buduć pravieranyja mahčymaści aŭtamatyčnaj małavyšynnaj RŁS «Rasa-RB» biełaruskaj vytvorčaści - Kanstruktarskaha biuro «Radar».
«Rasa-RB» znachodzić i supravadžaje celi na vyšyniach ad 0 da 3000 mietraŭ — takim čynam jon moža być efiektyŭnym srodkam vyjaŭleńnia viertalotaŭ i bieśpiłotnikaŭ-raźviedčykaŭ i karekciroŭščykaŭ ahniu, jakija šyroka vykarystoŭvajucca padčas bajavych dziejańniaŭ va Ukrainie.
