Uviečary 8 vieraśnia lidar Respublikanskaj partyi pracy i spraviadlivaści Vasil Zadniaprany źniaŭsia z vybaraŭ. Choć jašče ŭdzień jon aktyŭna prasoŭvaŭ svaju vybarčuju prahramu ŭ efiry TUT.BY.
Fota: Darja Burakina, TUT.BY
— Tak skłalisia abstaviny, što ja byŭ vymušany pryniać takoje rašeńnie. Napeŭna, zapału nie chapiła. Vyjavilisia staryja balački, i ja drenna siabie adčuvaju. Tamu treba padlačycca, — prakamientavaŭ situacyju sam Vasil Zadniaprany. — Vielmi šmat razmaŭlaŭ z vybarščykami, ludzi telefanavali mnie naŭprost. Ja, pryznajusia, navat nie vielmi byŭ hatovy da takoj aktyŭnaści.
Staršynia RPPiS paprasiŭ prabačeńnia u svaich vybarščykaŭ.
Ciapier na Sienicskaj vybarčaj akruzie № 76 zastałosia ŭsiaho dva pretendenty na deputackaje kresła — Illa Dabratvor ad BNF i eks-kandydat u prezidenty, kazačy ataman Mikałaj Ułachovič.
— Niachaj vybarščyki sami vyrašajuć, za kaho hałasavać. Jak serca im padkazvaje. Ja nie maju prava ich ahitavać, — skazaŭ Zadniaprany.
U svajoj aficyjnaj bijahrafii ŭžo były pretendent na deputacki mandat pakazvaŭ, što słužyŭ u Afhanistanie. Ale adzinaccać aficeraŭ u adstaŭcy padpisali kalektyŭny zvarot u CVK, u jakim śćviardžajuć, što heta chłuśnia. Sam Zadniaprany nazvaŭ abvinavačvańni nieabhruntavanymi. Skardziŭsia, što kalehi prosta zvodziać ź im asabistyja rachunki.
Palityk vystupaŭ za bolš hłybokuju intehracyju z Rasijaj, amnistyju ajčynnaha kapitału i vybarnuju padtrymku dziaržpradpryjemstvaŭ.
