Paralimpijski kamitet Biełarusi paźbieh sankcyj z boku Mižnarodnaha paralimpijskaha kamiteta (MPK) za źjaŭleńnie rasijskaha ściaha na cyrymonii adkryćcia Hulniaŭ-2016. Pra heta na pres-kanfierencyi paviedamiŭ pres-ataše MPK Krejh Śpiens.
PA/Scanpix/LETA
«Havorka idzie pra hościa ŭ delehacyi zbornaj Biełarusi. Heta indyvidualny pratest. My tak jaho rasceńvajem, tamu ŭžyli sankcyi tolki da hetaha čałavieka — adklikali jaho akredytacyju.
Na naš pohlad, pytańnie zakrytaje. Siońnia my razmaŭlali z Paralimpijskim kamitetam Biełarusi i skazali im, što praviły jość praviły. Palityčnyja pratesty zabaronienyja na Paralimpijskich hulniach. Kali jany praciahnuć takija pratesty, tady my budziem dumać ab dalejšych mierach», — skazaŭ Śpiens.
Nahadajem, adzin z členaŭ delehacyi zbornaj Biełarusi Andrej Fomačkin pranios ściah Rasii padčas paradu atletaŭ na cyrymonii adkryćcia Paralimpijskich hulniaŭ 2016 hoda ŭ Rya-de-Žaniejra ŭ znak salidarnaści z rasijskimi paralimpijcami, jakich nie dapuścili da Hulniaŭ. Paźniej za hety ŭčynak jon byŭ pazbaŭleny akredytacyi na Hulni.
