Na Krapivienskim poli viatry.
Pałyny. Na dałoni patry —
Zaharčyć. Torhnie sutarhaj, bolem.
Tut viaki prapłyli, jak viry pa Dniapry,
Za pałkami pałki
tut prajšli vajary,
Zmahary, što nakrytyja polem.
Na Krapivienskim poli trava. Krapiva.
Tut kryvi napiłasia Maskva,
Tatarva z kryžakami ŭ chaŭrusie…
Tut nad imi
usimi
paŭstała Litva —
I abrynułasia ŭ Biełarusi!
Dzie ž my dzieli
litoŭskuju dolu?
Vielič prodkaŭ? Ich volnuju volu,
Što jany apłacili kryvioj?
Jak harčyć pałynom na Krapivienskim poli -
I piače krapivoj!..
0
0
0
0
0
0