Utrymlivać čysta dobraachvotnuju armiju moža albo vielmi bahataja kraina, albo kraina, jakaja nie bačyć niepasrednych surjoznych pahroz dla svajho isnavańnia, śviedčyć praktyka apošnich dvuch stahodździaŭ jeŭrapiejskaj vajennaj historyi.
U suviazi z novymi terarystyčnymi i vajennymi pahrozami dla Niamieččyny, vyšejšyja koły ŭ nacyjanalnym uradzie pačali dumać pra viartańnie da rehularnaha pryzyvu va Uzbrojenyja siły, pieradaje Dw.de sa spasyłkaj na ahienctva DPA.
Prapanova viarnucca da pryzyvu, jakaja ŭtrymlivajecca ŭ dakumiencie ź Ministerstva ŭnutranych spraŭ, spałučanaja z uviedzieńniem novaj kancepcyi hramadzianskaj abarony krainy.
Niamieččyna admoviłasia ad pryzyvu piać hod tamu, adnak pahroza teraryzmu i rezki rost napružanaści ŭ Jeŭropie ŭ suviazi z rasijskaj ahresijaj suprać Ukrainy prymušajuć palitykaŭ i vajskoŭcaŭ pierahladzieć papiaredniaje rašeńnie.
Niedafinansavańnie armii, u tym liku davoli nizki ŭzrovień zarobkaŭ, nie dazvalaŭ pryciahvać u kantraktny Bundeśvier dastatkovuju kolkaść dobraachvotnikaŭ patrebnaj jakaści, bo cyvilny siektar byŭ zdolny «pierakupać» najbolš pierśpiektyŭnuju moładź.
Ministerstva abarony ŭ hetym hodzie navat ahučyła ideju dazvolić słužbu ŭ niamieckaj armii hramadzianam inšych krain Jeŭrasajuza.
Viartańnie da pryzyvu, pryčym u maksimalna tatalnaj formie — kab nivodnaja hrupa moładzi nie adčuvała siabie dyskryminavanaj — moža dapamahčy vyrašyć častku prablem Bundeśviera.
Publikujecca ŭ miežach śpiecyjalnaj rubryki «Naviny Hiermanii»