U Kamianieckim rajonie znojdzienyja pryblizna vosiem kiłahramaŭ rtuci.
Jak paviedamili BiełaPAN u Bresckim abłasnym upraŭleńni MNS, 19 žniŭnia ŭ 15.25 u centr apieratyŭnaha ŭpraŭleńnia Kamianieckaha RANS pastupiła infarmacyi pra znachodžańnie na dnie raki Lasnaja kala vioski Dziamiančycy dvuch jomistaściaŭ, jak mierkavałasia, z rtućciu.
Šklanyja jomistaści abjomam 0,5 litra kožnaja za 10 mietraŭ ad bieraha na hłybini pryblizna 1,5 mietra ŭbačyŭ 39-hadovy mužčyna padčas padvodnaha palavańnia la mosta. Adna jomistaść była pad humavym korkam, druhaja — adkarkavanaja. Krychu rtuci ź jaje vyciekła na dno raki. Mužčyna vynies jomistaści, u jakich było pryblizna 8 kh rtuci, na bierah.
Reštki rtuci, što vyliłasia, i rtućźmiaščalnyja adchody kanfiskavali pazaštatnyja ratavalniki-vadałazy pažarnaha avaryjna-ratavalnaha atrada Bresckaha abłasnoha ŭpraŭleńnia MNS. Abśledavanaja akvatoryja raki ŭ rajonie mosta — jomistaściaŭ z rtućciu bolš nie vyjaŭlena.
Zhodna sa źviestkami MNS, zabrudžvańnia navakolnaha asiarodździa nie adbyłosia, vizualnych śviedčańniaŭ moru ryby nie zafiksavana. Paciarpiełych niama. Rtuć źmieščanaja na skład časovaha zachoŭvańnia dla nastupnaj utylizacyi.
22 žniŭnia śpiecyjalistami Bresckaj abłasnoj łabaratoryi respublikanskaha centra analityčnaha kantrolu ŭ halinie achovy navakolnaha asiarodździa budzie ŭziataja vada dla analizu na ŭtrymańnie škodnych prymiešak.
