Paŭabaronca «Krumkačoŭ» Filip Ivanoŭ adbyŭ dyskvalifikacyju ŭ 4 matčy i moža hulać u čempijanacie i Kubku Biełarusi, paviedamlaje sajt kłuba.
Dyscyplinarny kamitet ABFF razhledzieŭ chadajnictva futbolnaha kłuba «Krumkačy» i užyŭ da Filipa Ivanova adterminoŭku vykanańnia pakarańnia z vyprabavalnym terminam u 14 miesiacaŭ.
Havorka idzie pra epizod, jaki zdaryŭsia ŭ matčy 14-ha tura «Dynama» (Brest) — «Krumkačy».
U razhar pieršaj pałovy sustrečy pry liku 2:0 na karyść minčan Ivanoŭ u vierchavoj baraćbie raźbiŭ nos abaroncu bieraściejcaŭ Alaksandru Noviku, atrymaŭšy čyrvonuju kartku.
Futbalista bresckaha «Dynama» pavieźli na chutkaj u balnicu. Tam u jaho byŭ dyjahnastavany adkryty pierałom nosa.
Ciapier kapitan «Krumkačoŭ» moža zhulać užo ŭ bližejšym matčy z «Isłačču» 12 žniŭnia.
