Prakuraturaj Mahiloŭskaj vobłaści ŭ sud Kastryčnickaha rajona Mahilova nakiravana kryminalnaja sprava ŭ dačynieńni da 37-hadovaj hramadzianki Rasii, paviedamiła BiełaPAN prakuror adździeła abłasnoj prakuratury Volha Chołdobina.
Abvinavačanaja ŭstupiła ŭ złačynnuju zmovu sa svaim bratam. Jon, znachodziačysia na terytoryi Rasii, ažyćciaŭlaŭ kiraŭnictva i kaardynacyju ŭsioj złačynnaj dziejnaści, zajmaŭsia pakupkaj trafiku i raźmiaščeńniem na sajtach śpiecyjalnaj škodnaj prahramy.
U vyniku pry nacisku karystalnikam knopki «pakinuć hetuju staronku» adbyvałasia cykličnaja pierazahruzka akna, jakaja pieraškadžała jaho zakryćciu.
U hetym aknie imi była raźmieščana zahadzia iłžyvaja infarmacyja ad imia Ministerstva ŭnutranych spraŭ, pavodle jakoj za prahlad i zachoŭvańnie zabaronienych zakonam videamateryjałaŭ parnahrafičnaha źmiestu, a taksama dla razbłakiroŭki apieracyjnych sistem prapanoŭvałasia ŭnieści hrašovyja srodki ŭ sumie 50 denaminavanyja rubloŭ na abanienckija numary apierataraŭ sotavaj suviazi MTS i BieST, papiarednie nabytych abvinavačvanaj.
Abvinavačanaja žyła ŭ Mahilovie i ažyćciaŭlała pieralik hrošaj z rachunkaŭ apierataraŭ sotavaj suviazi BieST i MTS z vykarystańniem apłatnaj sistemy «AJ Pej» na rachunki apierataraŭ sotavaj suviazi RF. Pastupali hrašovyja srodki ad davierlivych hramadzian Biełarusi, paśla taho jak ich apieracyjnyja sistemy błakavalisia pry naviedvańni porna-sajtaŭ.
Ad złačynnych dziejańniaŭ abvinavačvanaj paciarpieli 92 čałavieki, a suma naniesienaj škody skłała bolš za 191.000 rubloŭ (z ulikam denaminacyi), abo bolš za $95 tys.
Žančyna abvinavačvajecca ŭ zamachu na kradziež majomaści šlacham vykarystańnia kampjutarnaj techniki, ździejśnieny ŭ asabliva bujnym pamiery, a taksama ŭ zaviedamym vykarystańni śpiecyjalnych virusnych prahram, z metaj niesankcyjanavanaha błakavańnia i madyfikacyi infarmacyi, jakaja zachoŭvajecca ŭ kampjutarnaj sistemie, sietcy i na mašynnych nośbitach (č. 1 art. 14 i č. 4 art. 212 KK, č.1 st.354 KK).
