Ukrainskija pravaachoŭniki zatrymali dvuch raniej sudzimych 27-hadovych žycharoŭ Čarnamorskaje (raniej Illičoŭsk), jakija na plažy spačatku patapili 22-hadovuju dziaŭčynu, potym zhvałtavali i zakapali jaje ŭ piasok. Pra heta paviedamlaje abłasnaja palicyja.
U dziažurnuju čaść palicyi pastupiła paviedamleńnie ab tym, što na adlehłaści 15 mietraŭ ad uźbiarežža Čornaha mora na plažy byŭ vyjaŭleny łokać čałavieka, zakapanaha ŭ piasok.
Pravaachoŭniki na miescy zdareńnia znajšli trup žančyny biez adziežy z prykmietami hvałtoŭnaj śmierci.
Jak vyśvietliłasia, złamyśniki razam z paciarpiełaj adpačyvali na bierazie mora i raśpivali śpirtnyja napoi. U čas razmovy pamiž imi ŭźnikła svarka, u vyniku jakoj złamyśniki patapili znajomuju ŭ mory, potym na bierazie rukami nanieśli joj šmatlikija ŭdary pa ciele i zhvałcili. Paśla čaho cieła zakapali ŭ piasok.
«Ranicaj nastupnaha dnia złamyśniki viarnulisia na miesca złačynstva dla ŭtojvańnia śladoŭ zavieršanaha i raskapali cieła paciarpiełaj, razrezali brušnuju połaść i, vyrazaŭšy pałavyja orhany, znoŭ zakapali trup u piasok», — paviedamlaje palicyja.
Złamyśniki znachodziacca ŭ izalatary časovaha ŭtrymańnia. Im pahražaje turma da 15 hadoŭ abo pažyćciovaje źniavoleńnie.