Fota pres-słužby Minabarony Rasii.
Masavaje zvalnieńnie adbyłosia adrazu paśla praviadzieńnia kalehii Ministerstva abarony pa vynikach pravierki fłota ŭ mai i červieni, paviedamiŭ Interfaks sa spasyłkaj na admirała Uładzimira Kamajedava, staršyniu kamiteta pa abaronie Dziarždumy.
«Tam byli takija rečy, jakija ja presie nie mahu skazać, ale ŭsio źviazana z bajavoj hatoŭnaściu. Pad ukaz prezidenta patrapili 36 čałaviek. Źniali z pasadaŭ kamandujučaha, načalnika štaba, načalnika apieratyŭnaha adździełu štaba fłotu, kamandzira vajenna-marskoj bazy i inšych», — skazaŭ admirał.
Bałtyjski fłot maje dźvie vajenna-marskija bazy: Bałtyjskuju (u horadzie Bałtyjsku Kalininhradskaj vobłaści) i Leninhradskuju (z punktami i partami vakoł Sankt-Pieciarburhu).
Adkrylisia taksama fakty machlarstva z charčavańniem asabovaha składu.
Uzbudzili kryminalnuju spravu.
Kamandavańnie fłota «rehularna dezynfarmavała kiraŭnictva pra realny stan spraŭ», paviedamili krynicy Lenty.ru.
Kamandvaŭ BF vice-admirał Viktar Kraŭčuk. Ciapier jaho źmianiŭ vice-admirał Alaksandr Nasataŭ, jaki amal usiu karjeru pravioŭ na inšych fłatach.
