«Pakiet Jaravoj» zahadvaje ŭsim «arhanizataram raspaŭsiudžvańnia infarmacyi», jakija vykarystoŭvajuć «dadatkovaje kadavańnie» elektronnych paviedamleńniaŭ, padavać u FSB infarmacyju, jakaja dazvalaje «dekadavać» usio, što spatrebicca.
Što pad hetym majecca na ŭvazie, nieviadoma, pakolki kadujecca ŭsia infarmacyja ŭ internecie, a ŭ šerahu vypadkaŭ klučy šyfravańnia prosta nielha nikomu pieradać.
Pry hetym, pavodle «pakietu Jaravoj», usie apieratary suviazi mohuć być aštrafavanyja na sumu da miljona rubloŭ za niepadavańnie infarmacyi, «nieabchodnaj dla dekadavańnia».
«Pakiet Jaravoj» — nabor zakonaŭ, jakija pazicyjanujucca ŭładami jak antyterarystyčnyja. Uładzimir Pucin padpisaŭ hetyja zakony 7 lipienia. «Pakiet Jaravoj», aproč inšaha, abaviazvaje apierataraŭ zachoŭvać usie dadzienyja pra razmovy rasijan na praciahu paŭhoda — hetaja norma ŭstupić u siłu ŭ 2018 hodzie. Pakarańnie za niepadavańnie klučoŭ šyfravańnia budzie dziejničać užo ad 20 lipienia 2016 hoda.
Nabor zakonaŭ deputata Iryny Jaravoj i jaje suaŭtara, sienatara Viktara Aziorava tyčacca nie tolki internetu. U pryvatnaści, jany ŭvodziać realnyja terminy za niedaniasieńnie, a taksama robiać bolš žorstkimi pakarańnie za publikacyi ŭ sacyjalnych sietkach, a pa šerahu artykułaŭ źnižajuć ŭzrost pryciahnieńnia da kryminalnaj adkaznaści da 14 hadoŭ.
