Milicyja šukaje vidavočcaŭ kanfliktu na aŭtadarozie Salihorsk — 4-je rudaŭpraŭleńnie, adzin z udzielnikaŭ jakoha paraniŭ druhoha ź pistaleta.
Pavodle źviestak pres-słužby UUS Minabłvykankama, 6 lipienia ŭ 17.55 u milicyju pastupiła paviedamleńnie ab tym, što ź vioski Zaževičy Salihorskaha rajona z ahniastrelnym ranieńniem ŭ hrudzi špitalizavany 59-hadovy mužčyna.
«Zaraz vyśviatlajucca ŭsie abstaviny zdareńnia, praviarajucca roznyja viersii incydentu, u tym liku viersija ab darožnym kanflikcie, — paviedamiŭ kiraŭnik pres-słužby Jaŭhien Sačak. — Nijakaj inšaj infarmacyi pakul dać nie možam».
Źviestki pra incydent źjavilisia ŭ hrupie «Salihorskija aŭtaamatary» sacsietki «UKantakcie». Jak paviedamlajecca na staroncy hrupy, kanflikt na darozie zdaryŭsia pamiž dvuma aŭtamabilistami. Vadziciel BMW ź nieŭstanoŭlenymi zamiežnymi numarami abahnaŭ inšy aŭtamabil, vyciahnuŭ z mašyny vadziciela i prystaviŭ da jaho hałavy pistalet. Vadziciel BMW streliŭ mužčynu ŭ hrudzi, paśla čaho sieŭ u svoj aŭtamabil i pajechaŭ. Paciarpieły dajechaŭ da ahraharadka Zaževičy, adkul byŭ špitalizavany ŭ najbližejšuju balnicu.
U horadzie i vobłaści byŭ uviedzieny płan «Sirena» pa vyšuku aŭtamabila BMW z zamiežnymi numarami.
Salihorski RAUS prosić usich, chto prajazdžaŭ pa aŭtadarozie Salihorsk — 4-je rudaŭpraŭleńnie 6 lipienia, pieradać zapisy videarehistrataraŭ, a taksama adhuknucca vidavočcaŭ zdareńnia ci tych, chto bačyŭ na trasie aŭtamabil marki «BMV» z zamiežnymi numarami. Prosiać telefanavać na numary: +375 29 647-38-16, +375 29 577-85-61, 8 (1742) 2-02-02 (dziažurnaja čaść Salihorskaha RAUS) abo 102.
