26 červienia złačynca pačaŭ stralbu pa natoŭpie ludziej u načnym kłubie Playoffz u horadzie Łajman (Paŭdniovaja Karalina), paviedamiŭ sajt washingtontimes.com
Adnak historyja nie patrapiła ŭ bolšaść «vialikich» ŚMI pa adnoj pryčynie — u natoŭpie akazaŭsia čałaviek ź lehalnym pistaletam, jaki paraniŭ i niejtralizavaŭ 32-hadovaha Džodzi Reja Tompsana.
Tompsan paśpieŭ paranić ź nielehalna dabytaj ahniapalnaj zbroi troch čałaviek, paviedamiła miascovaja palicyja. Žyćciu achviar ničoha nie pahražaje.
U Paŭdniovaj Karalinie ŭ 2014 hodzie pryniali zakon, pavodle jakoha čałaviek, jaki maje dazvoł na našeńnie schavanaj zbroi, moža pranosić jaje ŭ pamiaškańni, dzie pradajuć ałkahol.
12 červienia ŭ načnym kłubie u Arłanda (Fłaryda), zahinuła 49 čałaviek z-za napadu ŭzbrojenaha złačyncy. Načny kłub u Arłanda zabaraniaŭ našeńnie zbroi naviedvalnikami.
