Dźmitry Karziuk. Fota belta.by.
Inśpiektary DPS nie pavinny padčas pracy na darohach vysočvać kiroŭcaŭ za kustami, zajaviŭ načalnik DAI MUS Biełarusi Dźmitry Karziuk. Pra heta paviedamlaje BIEŁTA.
«Nie treba chavacca za kustami. Heta majo patrabavańnie. U supracoŭnikaŭ DAI dastatkova srodkaŭ kantrolu», — skazaŭ pałkoŭnik Karziuk.
U bližejšaj budučyni načalnik DAI Biełarusi bačyć čatyry zadačy, jakija treba vykanać dla raźvićcia aŭtainśpiekcyi.
Pieršaja — heta prafiesijnaja padrychtoŭka pa ŭsich aśpiektach.
Druhaja — stvareńnie takich umoŭ na darohach, kab kiroŭcy nie mahli parušać praviły. Majucca na ŭvazie ŭ tym liku zakruhleńni, jakija nie dajuć pieravyšać chutkaść.
Treciaja zadača — ukaranieńnie vialikaj kolkaści srodkaŭ techničnaha kantrolu za vykanańniem praviłaŭ darožnaha ruchu: «Ciapier jość videakamiery, jakija mohuć zamianić vialikuju kolkaść inśpiektaraŭ», — patłumačyŭ Dźmitry Karziuk.
Čaćviortaja zadača — stvareńnie stanoŭčaha imidžu supracoŭnikaŭ DAI.
