Im staŭ 53‑och hadovy specyjalist Alaksandar Papkoŭ, jaki dahetul pracavaŭ z moładzievaj zbornaj Biełarusi, a taksama z klubami «Horadnia‑93» i «Miensk‑2006».
Paśla letašniaha pravalnaha vystupu ŭ adboračnaj hrupie ŭ dyvizijonie «B», dzie našy baskietbalisty nie zmahli padvysicca ŭ ranzie, sastupiŭšy adzinuju pucioŭku Vialikabrytanii, pasadu hałoŭnaha trenera pakinuŭ Alaksandar Barysaŭ. Žadajučych zaniać jahonaje miesca nie znajšłosia. Federacyja była vymušana abjavić konkurs dla pretendentaŭ, jakija sami padavali svaje zajaŭki i reziume. Konkurs doŭžyŭsia bolš za paŭhady.
U vyniku koła kandydataŭ zvuziłasia da čatyroch čałaviek — italjanca Andrea Mahieli, litoŭca Žydrunasa Žvinklisa, a taksama miascovych specyjalistaŭ Rusłana Bajdakova i Alaksandra Papkova. Najbolš vierahodnym vyhladaŭ lehijanerski varyjant. Asabliva chacieŭ siabie pasprabavać u novaj roli ambicyjny małady italjaniec Mahieli. Adnak kiraŭnictva federacyi spyniłasia na varyjancie z Papkovym. Častka ajčynnych zajaŭziataraŭ miarkuje, što varyjant z Papkovym paprostu moh być samym tannym.
Sioleta zbornaja Biełarusi zrobić čarhovuju sprobu, kab patrapić u dyvizijon «A». Jaje supiernikami buduć kamandy Rumynii, Švajcaryi, Albanii i Kipru.