U rasiejskim siale Nikolskaje paśladoŭniki pienzienskich pustelnikaŭ sprabavali vykapać jašče adnu piačoru.
Jany paśpieli prakapać vertykalny tunel u paŭtara metra j haryzantalny kalidor 5‑metrovaj daŭžyni ŭ čałaviečy rost. I navat spuścili pad ziamlu praviziju.
Miascovyja ŭłady, kali vyjavili čarhovy schoŭ, zrujnavali jaho razam z zapasami praduktaŭ.
Letaś u listapadzie ŭ čakańni kanca śvietu pad ziamlu syšli 35 pustelnikaŭ. Mnohija ź ich pakinuli piačoru ŭ kancy sakavika j pačatku krasavika paśla taho, jak častka ziamlanki abrynułasia.
Ciapier u piačory zastajucca 14 čałaviek. Čakajecca, što jany vyjduć na pavierchniu 14 červienia — pierad Siomuchaj.