Deputaty parłamienta Niderłandaŭ prahałasavali za pradastaŭleńnie ŭradu bolš času, kab znajści rašeńnie adnosna vynikaŭ refierendumu, na jakim było adchilenaje Pahadnieńnie ab asacyjacyi Ukraina-ES, paviedamlaje NOS.nl.
Sacyjalistyčnaja partyja Niderłandaŭ vystaviła ŭ parłamiencie prapanovu da ŭrada ab adklikanni zakona ab ratyfikacyi Pahadnieńnia ab asacyjacyi pamiž ES i Ukrainaj.
Sacyjalisty inicyjavała hałasavańnie nie pa partyjnym pryncypie, jak zvyčajna, a pajmienna — heta značyć nazyvałasia proźvišča kožnaha deputata, a toj pavinien byŭ skazać «za» ci «suprać».
Dźvie kaalicyjnyja partyi i dva niezaležnych deputaty prahałasavali suprać admieny, padtrymaŭšy ŭrad 75 hałasami suprać 71. Adzin deputat ad kirujučaj Lejbarysckaj partyi pierajšoŭ na bok apazicyi.
Deputat ad Sacpartyi Hary van Bomiel, jaki źjaŭlajecca adnym z hałoŭnych praciŭnikaŭ asacyjacyi, adznačyŭ, što «rasčaravany vynikam hałasavańnia».
«Mierkavańnie naroda adyšło na druhi płan», — napisaŭ jon u Twitter.
Nahadajem, na kansultatyŭnym refierendumie ŭ Niderłandach 6 krasavika suprać Pahadnieńnia ab asacyjacyi Ukrainy ź Jeŭrasajuzam prahałasavali 61% hałandcaŭ, jakija pryjšli na ŭčastki.
Taksama paviedamlałasia, što svaju pazicyju adnosna Pahadnieńnia ab asacyjacyi pamiž Ukrainaj i ES ŭrad Niderłandaŭ vyznačyć nie raniej za kaniec červienia.
Prezident Jeŭrakamisii Žan-Kłod Junkier zajaviŭ, što ŭrad Niderłandaŭ, a nie JEK pavinna raspracoŭvać alternatyŭny płan paśla refierendumu adnosna Pahadnieńnia ab asacyjacyi Ukraina-ES.
