Na momant padzieńnia mietearyta, jaki, pa raspaŭsiudžanaj teoryi, źniščyŭ uvieś ich vid, dynazaŭry ŭžo znachodzilisia na šlachu da vymirańnia, havorycca ŭ novym daśledavańni brytanskich navukoŭcaŭ.
Reuters
Jak śćviardžajecca ŭ daśledavańni navukoŭcaŭ z univiersiteta Redynha, da kanca miełavoha pieryjadu (kala 66 młn hadoŭ tamu) šmatlikija asobiny dynazaŭraŭ byli na miažy vymirańnia, albo na šlachu da jaho.
Padzieńnie asteroida i vyklikanaja im vułkaničnaja aktyŭnaść usio jašče ŭpisvajucca ŭ ramki novaj teoryi, adnak, na dumku navukoŭcaŭ, jany tolki pastavili kropku ŭ pracesie, jaki praciahvaŭsia nie adzin miljon hadoŭ.
Jak pakazali kompleksnyja daśledavańni astankaŭ staražytnych jaščaraŭ, ich ahulnaja kolkaść stabilna pamianšałasia na praciahu 50 młn hadoŭ, jakija papiaredničali padzieńniu mietearyta. Pryčynaj hetamu stała niazdolnaść dynazaŭraŭ prystasavacca da źmienlivaha klimatu.
Varta adznačyć, što navukoŭcy prychodziać da padobnaj vysnovy nie ŭ pieršy raz. Raniej hrupa daśledčykaŭ z ZŠA, praanalizavaŭšy strukturu škiletaŭ dynazaŭraŭ adnych i tych ža asobin, ale z roznych časovych pieryjadaŭ, taksama zaklučyła, što kala 150 vidaŭ jaščaraŭ da kanca miełavoha pieryjadu znachodzilisia na šlachu da źniknieńnia.
Daśledavańnie amierykanskich navukoŭcaŭ, zrešty, tyčyłasia tolki nielatajučych dynazaŭraŭ. Jany adznačali, što chutčej za ŭsio vymirali bujnyja travajednyja jaščary, nakštałt tryceratopsa.
