Asabliva achoŭnyja pryrodnyja terytoryi Biełarusi zakaźniki «Dražbitka-Śvina», «Ipuć» i bałota Dzikaje atrymali mižnarodny status, paviedamiła načalnik upraŭleńnia bijałahičnaj i łandšaftnaj raznastajnaści Ministerstva pryrodnych resursaŭ i achovy navakolnaha asiarodździa Natalla Minčanka na pres-kanfierencyi ŭ Minsku 19 krasavika.
Ciapier 23 biełaruskija terytoryi nadzielenyja takim statusam. Hetyja terytoryi, skazała Minčanka, naroŭni z nacyjanalnymi parkami «vałodajuć vysokimi resursami dla arhanizacyi ekaturyzmu». U jakaści prykładu takich abjektaŭ jana pryviała zakaźnik «Sporaŭski», jaki źjaŭlajecca miescam raśsialeńnia viartlavaj čaracianki, najbujniejšaje ŭ Jeŭropie nizinnaje bałota ź minieralnymi astravami Zvaniec i vierchavoje bałota ź ledavikovymi aziorami Jelnia.
«Hetyja abjekty pavyšajuć turystyčnuju pryvabnaść našaj krainy dla ekaturystaŭ», — skazała Minčanka.
Razam z tym jana vykazała mierkavańnie, što «ekałahičny turyzm u Biełarusi jašče małady, a rekreacyjnyja i turystyčnyja resursy zakaźnikaŭ, pierśpiektyŭnych dla raźvićcia turystyčnaj dziejnaści, vykarystoŭvajucca jašče nie ŭ poŭnaj miery». Minčanka taksama zaznačyła, što «niedastatkovy ŭdzieł u raźvićci turyzmu na asabliva achoŭnych terytoryjach biare miascovaje nasielnictva».
«U 2016 hodzie płanujecca raspracoŭka dakumienta, jaki vyznačyć asnoŭnyja kirunki ŭ raźvićci ekałahičnaha turyzmu i dazvolić vykarystoŭvać naš pryrodna-turystyčny patencyjał razumna i maksimalna bieražliva», — skazała jana.