Brescki mižrajonny adździeł Śledčaha kamiteta pravodzić pravierku pa fakcie śmierci 61-hadovaj žycharki abłasnoha centra, paviedamiła aficyjny pradstaŭnik USK pa Bresckaj vobłaści Maryna Drańkova.
Trahiedyja adbyłasia siońnia ranicaj. Prykładna ŭ 9 hadzin pablizu šmatpaviarchovaha žyłoha doma było znojdziena cieła žančyny z prykmietami padzieńnia z vyšyni. Vajaŭlena, što zahinułaja pražyvała ŭ kvatery hetaha doma na 14-m paviersie.
«Piensijanierka pakinuła pieradśmiarotnuju zapisku z prośbaj nikoha nie vinavacić u tym, što zdaryłasia. Sa słovaŭ blizkich, u apošni čas jana znachodziłasia ŭ depresii z-za prablem sa zdaroŭjem. U momant trahiedyi žančyna znachodziłasia doma adna. Kali jaje muž pavioŭ unučku ŭ dziciačy sad, jana spała. Suicydalnych namieraŭ rodnym zahinułaja nie vykazvała», — dapoŭniła pradstaŭnik USK.
Ciapier śledčyja vyśviatlajuć usie akaličnaści zdareńnia. Apytvajucca rodnyja i znajomyja zahinułaj. Pryznačanaja sudova-miedycynskaja ekśpiertyza.
