Pačatak futbolnaha siezonu, a fanaty «Niomana» znoŭ ździŭlajuć hramadskaść. Na hety raz haradziency praviali akcyju ŭ pamiać pra narodnaha paeta Biełarusi Niła Hileviča.
Na praciahu matča «Nioman» - «Hranit» (1:1), fanaty niekalki razoŭ śpiavali pieśniu na słovy narodnaha paeta Biełarusi «A ja lahu prylahu», a taksama praviali chvilinu maŭčańnia.
«My, jak patryjoty svajoj krainy, prosta abaviazany byli heta zrabić. Nił Hilevič — byŭ sapraŭdnym synam Biełarusi, jakim hanaracca i jakoha pavažajuć nie tolki ŭ našaj krainie, ale i za jaje miežami. Na matčy adkryćcia čempijanata my śpiavali pieśniu na słovy Niła Hileviča «A ja lahu prylahu». Zrabili my heta ŭ znak pavahi i smutku ab narodnym paecie. Ideja pryjšła zrabić padobnaje za niekalki dzion da matču. Mnohija pieśniu viedali, ale byli i tyja, što karystalisia padkazkaj z papiery. Na naš pohlad, atrymałasia ŭsio dobra», - raspavioŭ staršynia Kłuba zaŭziataraŭ Dzianis.