Ukrainskaja lotčyca piaty dzień trymaje suchuju haładoŭku ŭ rasiejskim SIZA.
Džiaržsakratar ZŠA Džon Kiery. Fota EPA
«Ja hłyboka zaniepakojeny stanam zdaroŭja i tym, ci ŭsio dobra ŭ ukrainskaj lotčycy i deputatki Rady Nadziei Saŭčanki, jakaja ź piatnicy admoviłasia da ježy i pitva na znak pratestu suprać jaje dalejšaha ŭtrymańnia pad vartaj u Rasiejskaj Federacyi», — piša ŭ aficyjnaj zajavie džiaržsakratar ZŠA Džon Kiery.
«Za 20 miesiacaŭ ź jaje zachopu na ŭschodzie Ukrainy i vyvazu ŭ Rasieju spadarynia Saŭčanka, jak paviedamlajecca, zaznała dopyty, adzinočnaje źniavoleńnie i prymusovuju «psychijatryčnuju ekspertyzu», — nahadvaje Kiery. — Sud nad joj i jejnaje źniavoleńnie demanstrujuć pahardu da mižnarodnych standartaŭ, a taksama da abaviazalnictvaŭ Rasiei pavodle Mienskich pahadnieńniaŭ. Złučanyja Štaty ŭ čarhovy raz zaklikajuć Rasieju nieadkładna vyzvalić spadaryniu Saŭčanku i viarnuć jaje va Ŭkrainu».
Nadzieja Saŭčanka abjaviła suchuju haładoŭku 3 sakavika, paśla taho jak rasiejski sudździa nia daŭ joj vystupić z apošnim słovam. Praces maje adnavicca 9 sakavika. Advakat Saŭčanki miarkuje, što rašeńnie pra los Saŭčanki budzie prymać asabista Pucin.