Foto: Eddy Risch/dpa
Aŭstryjski dyryžor Nikałaus Arnankur (Nikolaus Harnoncourt) pamior va ŭzroście 86 hadoŭ. Hetuju infarmacyju paćvierdziŭ jaho syn Filip Arnankur, paviedamlaje Kieler Nachrichten.
Muzykant pamior u asiarodździ svaich svajakoŭ, havorycca ŭ paviedamleńni jaho siamji.
Nikałaus Arnankur naradziŭsia ŭ śniežni 1929 hoda ŭ Bierlinie. Muzycy jon vučyŭsia ŭ Vienie. U 1952 hodu Arnankur staŭ vijałančelistam ŭ Vienskim simfaničnym arkiestry i vystupaŭ tam da 1969 hoda. Akramia taho, u 1953 h. razam z žonkaj jon zasnavaŭ ansambl Concentus Musicus Wien.
Adnoj z pryčyn, pavodle jakich Arnankur pakinuŭ vienski arkiestr, było toje, što jon chacieŭ stać dyryžoram. U hetaj roli jon debiutavaŭ u 1970 hodu ŭ miłanskim opiernym teatry «Ła Skała».
U 1971 h. Arnankur pačaŭ sumiesny prajekt z hałandskim muzykam Hustavam Leanchartam i za 19 hadoŭ zapisaŭ ź im usie kantaty Bacha.
Arnankur vystupaŭ z mnohimi arkiestrami. Ab zaviaršeńni raboty dyryžoram jon abviaściŭ tolki 5 śniežnia 2015 hoda, za dzień da svajho dnia naradžeńnia, pryčynaj dla hetaha stali prablemy sa zdaroŭjem.
Arnankura ličać adnym z najvialikšych dyryžoraŭ usich časoŭ.
U pryvatnaści, jon zajmaje piataje miesca ŭ rejtynhu lepšych dyryžoraŭ, składzienym BBC Music Magazine na asnovie maštabnaha apytańnia muzyčnych ekśpiertaŭ. Arnankur źjaŭlajecca ŭładalnikam šmatlikich muzyčnych premij. Siarod ich — «Hremi» ŭ 2001 hodzie, premija Robierta Šumana ŭ 1997 hodzie, premija muzyčnaha fiestyvalu ŭ Bremienie ŭ 2002 hodzie, premija Hieorha-Filipa Tielemana ŭ 2004 hodzie i inšyja. Arnankur taksama pisaŭ knihi pra historyju muzyki i vialikich kampazitaraŭ.
