Vystava adbyvajecca pry padtrymcy kampanii JTI u Nacyjanalnym histaryčnym muziei Respubliki Biełaruś.
Na vystavie pradstaŭlenyja redkija knižnyja vydańni XVI—XVIII stst., hałoŭnaje ź jakich — Biblija, nadrukavanaja ŭ Breście ŭ 1563 h. na zamovu Mikałaja Radziviła Čornaha. Hety ekzemplar upieršyniu pakazvajecca ŭ Biełarusi. Siarod ekspanataŭ ź Litvy — kałarytnyja vyraby mastackaha lićcia i kavalstva, palichromnyja kafli. Biełaruski bok razam ź inšymi ekspanatami pradstavić šerah materyjałaŭ z tak zvanaha «Trajčanskaha archivu» — kompleks dakumientaŭ XVI—XIX stst., nazapašanych u Słuckim Śviata—Troickim pravasłaŭnym manastyry. Rasšyfravanyja dakumientalnyja teksty adlustroŭvajuć raznastajnyja baki žyćcia hramadstva minułych stahodździaŭ. Bolšaść hetych archiŭnych krynic raniej nie vynosiłasia na publičny ahlad.
Usie pradmiety, pradstaŭlenyja na vystavie, aryhinalnyja. Heta mahčymaść ubačyć sapraŭdnyja rečy, jakija byli śviedkami žyćcia i dziejnaści pradstaŭnikoŭ vialikaha mahnackaha rodu.
Udzielnikami vystavy ź Litoŭskaj Respubliki źjaŭlajucca: Biržajski rehijanalny muziej «Sieła», Kiedajniajski rehijanalny muziej, Nacyjanalny muziej «Pałac vialikich kniazioŭ litoŭskich» (Vilnius); z boku Respubliki Biełaruś u vystavie biaruć udzieł Nacyjanalny histaryčny muziej Respubliki Biełaruś, Nacyjanalnaja biblijateka Biełarusi.
Vystava dziejničaje da 28 sakavika 2016 h.
