Partyju niezadekłaravanych zapčastak na sumu kala 5,5 młrd. rubloŭ vyjavili supracoŭniki Ašmianskaj mytni ŭ hruzavym transpartnym srodku.
Jak paviedamiła pres-słužba DMK, hruzavy aŭtamabil «Volva» prybyŭ na ŭjezd u Biełaruś u respublikanski punkt mytnaha afarmleńnia «Katłoŭka». Zhodna z supravadžalnymi dakumientami, padadzienymi kiroŭcam dla praviadzieńnia mytnych apieracyj, u hruzavym transpartnym srodku znachodzilisia aŭtazapčastki. Adnak pry mytnym kantroli słužbovyja asoby Ašmianskaj mytni ŭstalavali, što ŭ hruzavym adsieku pieramiaščajucca nie zajaŭlenyja ŭ supravadžalnych dakumientach błoki cylindraŭ, pompy vadzianyja, kałodki tarmaznyja i inšyja zapčastki ŭ kolkaści 278 štuk.
Jašče adnu sprobu ŭvozu novych aŭtazapčastak pa niesapraŭdnych dakumientach acenačnym koštam bolš za 2,5 młrd. rubloŭ spynili viciebskija mytniki. Zhodna z supravadžalnymi dakumientami ŭ hruzavym adsieku transpartnaha srodku ŭvozilisia novyja aŭtamabilnyja zapčastki: fary procitumannyja, deflektary dźviarej, aŭtabahažniki i inšyja ŭ kolkaści bolš 10,9 tys. štuk. Pry praviadzieńni mytnaha nadhladu było ŭstanoŭlena, što častka zajaŭlenaha tavaru adsutničała. Na jaho miescy pieramiaščałasia bolš za 1,2 tys. adzinak zapčastak, nie paznačanych u supravadžalnych dakumientach, siarod jakich farkopy, šyby i rašotki ad far, inšyja aŭtatavary. Aŭtamabilnyja zapčastki, nie paznačanyja ŭ supravadžalnych dakumientach, kanfiskavanyja.
Pa vyjaŭlenych faktach raspačatyja administracyjnyja pracesy.
