Ministerstva infarmacyi ŭ svaim adkazie hruntujecca na źviestkach ad MUS pra pryciahnieńnie žurnalista partała TUT.BY da administracyjnaj adkaznaści nibyta za drobnaje chulihanstva i niepadparadkavańnie supracoŭnikam milicyi.
Zychodziačy z hetaha, ministr infarmacyi Lilija Ananič padkreślivaje, što dziejnaść žurnalista pavinna ažyćciaŭlacca u strohaj adpaviednaści z zakanadaŭstvam i ŭ miežach norm prafiesijnaj etyki.
Takim čynam, spn. Ananič praktyčna nie adreahavała na prośbu amal 200 supracoŭnikaŭ biełaruskich ŚMI vykazać svaju pazicyju adnosna niedapuščalnaści pieraškodaŭ prafiesijnaj dziejnaści žurnalistaŭ, realizacyi prava hramadzian na atrymańnie poŭnaj, dakładnaj i svoječasovaj infarmacyi, i davieści jaje da MUS i ŭsich jaho strukturnych padraździaleńniaŭ.
U zvarocie žurnalisty biełaruskich vydańniaŭ źviartali ŭvahu na vidavočnaje parušeńnie zakanadaŭstva z boku supracoŭnikaŭ milicyi ŭ vypadku z zatrymańniem i źbićciom Paŭła Dabravolskaha.
Kopiju zvarotu pieradali ŭ Hienieralnuju prakuraturu Biełarusi. Supracoŭniki biełaruskich ŚMI prasili hetuju strukturu ŭziać na kantrol chod, paŭnatu, abjektyŭnaść, biesstaronnaść i zakonnaść praviadzieńnia pravierki pa zajavie Paŭła Dabravolskaha ab pryciahnieńni supracoŭnikaŭ orhanaŭ unutranych spraŭ da praduhledžanaj zakonam adkaznaści, a taksama pryniać miery da papiaredžańnia paŭtoru padobnych faktaŭ nadalej.
U adkaz na atrymany list aŭtary zvarotu majuć namier paŭtorna napisać ŭ Mininfarmacyi i pieraličyć usie fakty źbićcia žurnalistaŭ u Biełarusi za apošnija 10 hadoŭ.
